Besjoch de boarne foar Krêft

[[Ofbyld:Force examples.svg|thumb|Foarbylden fan wurkjende krêften]]
Yn de [[natuerkunde]] is de '''krêft''' dy't de beweging fan in foarwerp feroarje kin. In krêft kin in foarwerp mei [[Massa (natuerkunde)|massa]] syn foarm en faasje feroarje. Troch it wurkjen fan in krêft kin der [[Arbeid (natuerkunde)|arbeid]] dien wurde. Krêften kinne neamd wurde nei de wurking dy't se op in foarwerp hawwe, lykas '''lûkkrêft''', '''driuwkrêft''' en '''dwerskrêft''' Krêften kinne ek neamd wurde nei harren oarsaak of wurking, lykas [[swiertekrêft]], [[wriuwing]]skrêft en [[midpuntsykjende krêft]].

In krêft kin oerbrocht wurde troch kontakt tusken foarwerpen of dieltsjes dy't yn in fêste, floeibere, gasfoarmige [[aggregaasjetastân]] binne of troch in krêftefjild. Dy krêftefjilden binne yn de klaasike natuerkunde [[Elektromagnetisme|elektromagnetysk]] of [[Swiertekrêft|gravitasjoneel]].

== Wetten fan Newton ==
{{Apart|Wetten fan Newton}}
Neffens de twadde wet fan Newton wurdt de krêft sa formulearre: 

: <math>\vec F = \frac{\mathrm{d}\vec p}{\mathrm{d}t} = \frac{\mathrm{d}}{\mathrm{d}t} (m \vec v) = \vec v \,\frac{\mathrm{d}m}{\mathrm{d}t} + m \,\frac{\mathrm{d}\vec v}{\mathrm{d}t}</math>

As de [[Massa (natuerkunde)|massa]] net feroaret<ref>Yn de [[Relativiteitsteory|relativistyske]] meganika is in massa net altyd oanhâldend. Mar ek yn de klassike meganika kinne der net-oanhâldende massa’s wêze, bygelyks yn in raket dêr't de massa fan de brânstof in reedlik part yn de totale massa hat. It brânstofferbrûk feroarsaket dêr in stadige fermindering fan de massa.</ref> jildt foar de krêft
: <math>\vec F = m\,\frac{\mathrm{d}\vec v}{\mathrm{d}t} = m\,\vec a</math>
mei

*  <math> m</math> de massa fan it foarwerp
* <math>\vec a</math> de [[Akseleraasje (natuerkunde)|akseleraasje]] (feroaring fan de faasje de tiidsienheid) fan it [[swiertepunt]] fan it foarwerp.
De rjochting fan de krêft is de rjochting fan de akseleraasje.

== Ienheid ==
De [[Ynternasjonaal Systeem fan Ienheden|SI-ienheid]] foar krêft is neamd nei de Ingelske wittenskipper Sir [[Isaac Newton]] en wurdt útdrukt yn [[Newton (ienheid)|newton]] mei de symboal "N".

== Oare krêften ==
* [[Hynstekrêft]] is in ferâldere ienheid fan [[Fermogen (natuerkunde)|fermogen]], net fan krêft
* [[Wyn (waar)|Wynkrêft]] is de faasje of de druk fan de [[Wyn (waar)|wyn]].

{{Boarnen|boarnefernijing=
{{reflist}}
------------------
Foar oare boarnen, sjoch [[:nl:Kracht]]
}}

[[Kategory:Natuerkunde]]